Mwongozo Wa Biashara Ya Green World

kusajili wanachama

Mbinu Za Kuuza Na Kusajili Wanachama

Ili kuweza kujenga kikundi cha wauzaji wa bidhaa za Green World, unapaswa ujue namna ya kusajili wanachama wapya. Kumbuka kuwa huwezi kupata pesa yo yote kutoka Green World kama hakuna mauzo ya bidhaa au huduma za Green World. Green World inakuwezesha kupata mafanikio kwa kukupa misaada ya namna nyingi sana - video za kuitangaza kampuni, vitu vya kukupa motisha, machapisho, n.k. na watu watakaokusaidia kuweza kuzielewa bidhaa za kampuni, mpango wa malipo na fursa nyingine zilizopo. Mwanachama makini hataishia kusajili wanachama wapya tu bali atamsaidia na kumfundisha kila aliyemsajili ili aweze kuwa mwanachama mwenye mafanikio na hatimaye nao waweze kuwafundisha wale watakaowasajili. Matokeo ya kusajili na kutoa mafunzo kamili kwa kila anayesajiliwa ni "URUDUFU" (duplication): kuwafanya wafuasi wako waelewe na kufuata njia yako ya mafanikio. Tabia hii ikiendelezwa kizazi hadi kizazi huleta - mlipuko wa mafanikio yako kutokana na mafanikio ya wale uliowafundisha na ambao baadaye waliwafundisha wengine kupata mafanikio.

Mwanzo Wa Mchakato: Kuuza Bidhaa

Ili kuwa mwanachama halisi wa Greeen World

1. Kujaza na kurejesha fomu ya maombi ya uanachama ikiambatanishwa na ada ya uanachama 2. Maombi kukubaliwa na Green World

Wakati ukiendelea kufanya kazi na wanachama uliowasajili, angalia kwa makini video ya Green World na pitia kwa makini zana nyingine za mafunzo. Wahamasishe kuielewa na kuitumia nadharia ya mwendelezo au urudufu (duplication) - kwa kufuata njia zako za mafanikio na kuelewa nadharia ya mfumko wa mafanikio (multiplication) - unaotokana na kujijengea tabia toka awali ya kutoa mafunzo kwa wanachama wapya na kujitengenezea mtindo wako wa mafunzo utakaounda jumuia ya wafanyabiashara ya aina yako ya kipekee.

Mafanikio yako yanaanza na wewe. Kwa kuwaeleimisha na kutoa fursa ya Green world kwa watu walio karibu na wewe, unaanza kujijengea biashara yako

Pamoja na kupata faida ya rejereja, unahitaji kuhakikisha kuwa unajenga kikosi madhubuti kitakachouza bidhaa na huduma za Green World.

Biashara ya rejareja ni pamoja na:

Matumizi binafsi ya bidhaa na huduma za Green World.
Kuhakikisha kuwa bidhaa zinapatikana kwako, kwenye familia yako, marafiki, majirani na watu unaokutana nao.

Yakupasa kuwaonyesha watu na kuwaelezea kuhusu bidhaa na huduma za Green World ili kupanua wigo wako wa kibiashara kwa kupata wanachama wengi zaidi na hivyo kuongeza mauzo yako. Utatumia njia gani kupanua wigo wako wa biashara? Ni juu yako kuamua. Hii ni biashara yako hivyo tumia njia ambazo unaona unaziweza na zinakufaa. Lakini lazima utafute njia zako ....... hii ina maana kwamba mwanzoni unaweza kuwajibika kujitoa na kufanya vitu ambavyo hujavizoea, wakati huo ukiwa unapata ujuzi wa kusajili na kuuza bidhaa. Kumbuka kuwa hapa unabadilika kitabia kutoka mtu mwenye kutojiamini hadi kuwa mtu anayejiamini.

Unaweza kufanya biashara na kupata kipato kikubwa kutokana na biashara ya rejareja ya bidhaa na huduma za Green World. Lakini ili kukua kibiashara kwa haraka na kwa uhakika, unahitaji kusajili wanachama kwenye kampuni ya Green World.

Kuendelea Na Mchakato: Kusajili Wanachama

Njia rahisi ya kujenga jumuia yako ya wafanya biashara ni kwa kufanya usajili. Hii haimanishi kwenda kuwakusanya watu na kuwaandikisha wajiunge na Green World.... la hasha. Ni kazi ya kutafuta watu makini wa kuwaweka kwenye ngazi yako ya kwanza (uzao wako wa kwanza) utakaofanya nao kazi. Hutaishia hapa na uzao wako wa kwanza, utaendelea kutafuata watu wengine na kuwafundisha wauze bidhaa kama unavyofanya wewe.... na hivyo kujenga biashara ya ndoto zako. Umakini katika kuwajali na kusajili watu chini yako ni moja ya nguzo muhimu za mafanikio yako kibiashara.

Utamsajili Nani?

Swali: Ni Nani Unaweza Kumsajili?

Unaweza kumsajili mtu ye yote. Wasaidie watu kuweza kusikia kuhusu fursa ya biashara ya kampuni ya Green World na kuwaacha waamue wenyewe. Haifai kumwamulia mtu kutokana na mwonekano wake. Usimnyime mtu nafasi ya kuisikia fursa hii eti tu kwa sababu ana shughuli nyingi au pengine kwa kuwa unaona kuwa si wa "aina" hii. Si rahisi kabisa kumjua atakayefanya biashara hii kwa moyo mmoja na ambaye hatafanya kwa kuwatazama kwa macho. Kumbuka: Hutawatambua kabisa watakaokuwa nyota katika jumuia yako. Ni jambo la faraja kutambua kuwa nyota wako wa biashara hii anaweza kutoka kati ya watu wa kwanza kabisa utakaowasajili!

Ni Nani Unaowafahamu?

Mtu ye yote unayemfahamu anaweza kuwa mwanachama mzuri wa jumuia yako ya biashara ya Green World. Watu unaowafahamu ni wengi kuliko unavyofikiria. Unaweza kutumia taarifa ifuatayo kukuwezesha kuorodhesha watu unaowafahamu. Kumbuka kuwa hupaswi kumwamulia mtu ye yote. Wape watu wote nafasi sawa ya kusikia kuhusu fursa ya Green World. Inapasa kukumbuka pia kuwa si watu wote waliipokea fursa walipoambiwa kwa mara ya kwanza. Na pale mtu anapokuambia "HAPANA" haina maana ya kuwa amekudharau. Ni kwamba watu wengine wanapenda tu kufanya mambo yao ambayo yapo tofauti kabisa na biashara unayomgusia.

Ni Nani Wa Kuwashirisha?

Ili kulifanikisha zoezi hili unahitaji kuwa na peni na karatasi. Hakikisha unamwandika mtu ye yote anayekuja akilini mwako, usimkate mtu!

Orodhesha watu wote wa karibu ndani ya familia ukiwajumlisha mme au mke, watoto, kaka na dada zako, wazazi n.k.
Waorodheshe ndugu wa karibu wakiwemo wajomba, mashangazi, mabinamu, bibi na babu.
Orodhesha wakwe, mashemeji
Waorodheshe majirani
Orodhesha marafiki wa karibu
Waorodheshe watu unaofanya nao kazi
Waorodheshe watu ulio nao kwenye vikundi
Waorodheshe watu wenye nyadhifa au utalaamu mbalimbali

Pitia sehemu zenye orodha za majina kama simu, diary. Kuna watu ambao unaweza kuwajulisha kuhusu fursa hii?

Kutoka kwenye orodha ya watu uliowapata, wagawanye kwenye makundi mawili, yaani:

Wale unofikiria kuwa watahitaji kununua bidhaa ili kuboresha afya zao
Wale ambao wanaweza kujiunga na Green World na kuwa kwenye jumuia yako ya wafanya biashara

Njia Za Kutumia Kuwaelezea Fursa Ya Green World

Baada ya kuwa tayari una majina ya watu unaotegemea kuwaelezea fursa ya biashara, unaweza sasa kuanza kuwaona mmoja baada ya mwingine. Kumbuka kuwa kuwaona wewe mwenyewe na kwenye mazingira ya kawaida ndiko kunakoleta mafanikio zaidi. Tumia njia unayopendelea zaidi katika moja ya hizi:

Kuwapa copy ya video ya Green world na kuwaacha waiangalie. Kisha waonyeshe ni vipi wanaweza kutoa mchango wao Green World.
Mpe mtu umjuae nakala ya chapisho linaloonyesha bidhaa au fursa ya bishara ya Green World. Machapisho haya huonyesha vizuri ni nini katika Green World kinaweza kuwavutia na kwa nini.
Kuitisha mkutano unaomhusisha yule aliye juu yako katika kampuni. Hii ni rahisi na hutoa matokeo mazuri sana. Njia hii itakupa fursa wewe kumtambulisha mtu unayemjua na kumwachia mzoefu wa biashara hii amalizie kazi ya kuielezea fursa ya biashara.
Andaa mkutano nyumbani kwako ..... au waalike watarajiwa kwenye mkutano unaofanyika nyumbani kwa mwanachama wa juu yako.

mawasiliano kwa simu

Kuna njia nyingine nyingi ambazo ni bora unazoweza kuzifikiria wewe mwenyewe, cha msingi ni kuanza safari yako ya kuwaonyesha watu ubora wa bidhaa na fursa ya biashara ya kampuni ya Green World.

<<<< MWANZO